Mərkəzi Gömrük Hospitalının infeksionisti, uzman həkim Mədinə Abdullayeva “Tibb işçilərinin peşə sağlamlığı və təhlükəsizliyi” mövzusunda təlim keçib.

 

Hospitaldan Aztibb.az-a bildirilib ki, tədbirdə rəis müavini Nabil Seyidov, müəssisənin tibb bacıları və tibb qardaşları iştirak ediblər.

 

Mədinə Abdullayeva “Tibb işçilərinin peşə sağlamlığı və təhlükəsizliyi” mövzusunda təqdimatında tibb işçiləri üçün peşə riskləri və bioloji risklər haqqında ətraflı məlumat verərək, tibb işçilərinin müxtəlif infeksiyaları alma yollarını, bu respirator infeksiyalardan qorunma üsullarını, qan patogenlərinin tibb işçilərini yoluxdurma yollarını izah edib, həmçinin, iti cisimlərin zədələmələrindən qorunması üçün lazımi tədbirlərin həyata keçirilməsindən danışıb.

 

O, eyni zamanda, tibb işçilərinə hansı peyvəndlərin vurulmasının zəruriliyi barədə də öz tövsiyələrini verib. Təlim orta tibb işçiləri tərəfindən maraqla qarşılanıb, təlimin sonunda iştirakçıları maraqlandıran suallar cavablandırılıb.