Cəlilabad Rayon İcra Hakimiyyətinin başçısı Rafiq Cəlilov səhhətləri ilə əlaqədar Cəlilabad Rayon Mərkəzi Xəstəxanasında müalicə alan 44 günlük Vətən müharibəsi şəhidi Təbriz İsayevin anası Sərmayə İsayevanı və antiterror tədbirləri zamanı şəhidlik zirvəsinə ucalan Seymur Şəbiyevin anası Mərziyə Şəbiyevanı ziyarət edib.

 

Bu barədə Aztibb.az-a Rayon Xəstəxanasından məlumat verilib.

 

Şəhid analarının səhhətləri ilə maraqlanan rayon rəhbəri bildirib ki, Azərbaycan dövləti şəhid ailələrinə, müharibə iştirakçılarına və qazilərə daim yüksək diqqət və qayğı göstərir. Vurğulanıb ki, biz  qəhrəman şəhidlərimizə hər zaman minnətdarıq, onların əbədiyaşar xatirəsini əziz tuturuq. Bu, hər bir Azərbaycan vətəndaşının mənəvi borcudur. Bütün şəhid anaları, xanımları dəyərli və əzizdirlər.

 

Cəlilabad Rayon Mərkəzi Xəstəxanasının direktoru hər iki şəhid anasının səhhəti barədə icra başçısına məlumat verib. O, şəhid analarının vəziyyətlərinin normal olduğunu, həkimlərin əlindən gələni əsirgəmədiyini, hər cür kömək göstərildiyini bildirib.