Azərbaycan Milli Elmlər Akademiyası (AMEA) və Türkiyə Elmi və Texnoloji Tədqiqat Şurası (TÜBİTAK) tərəfindən elan edilmiş 4-cü layihə müsabiqəsi çərçivəsində təqdim edilmiş və ilkin ekspertizadan uğurla keçmiş 62 layihə üzrə elmi ekspertiza tamamlanıb. Qeyd edilməlidir ki, hər bir layihə həm AMEA, həm də TÜBİTAK tərəfindən 2 müstəqil rəyçiyə göndərilib və ümumilikdə 4 müstəqil ekspert tərəfindən qiymətləndirilib.
AMEA-dan Aztibb.az-a bildirilib ki, ekspertizanın nəticələrinə əsasən, aşağıda qeyd edilən 4 layihə yüksək nəticələrlə qalib seçilib:
Azərbaycan tərəfindən koordinator və təşkilat | Türkiyə tərəfindən koordinator və təşkilat | Müştərək tədqiqat layihəsinin adı |
Azər ƏHMƏDOV K.Fərəcova adına Elmi-Tədqiqat Pediatriya İnstitutu | Ömer ERDEVE Ankara Universiteti | Vaxtından əvvəl doğulmuş körpələr üçün optimal qulluq və müalicə növləri: OCTOPUS Layihəsi |
Mürsəl DADAŞOV Biofizika İnstitutu | Süleyman DAŞDAĞ İstanbul Mədəniyyət Universiteti | İn vivo və in vitro Parkinson modelində son dərəcə aşağı tezlikli elektromaqnit sahələrinin terapevtik təsiri |
Pərvin MƏMMƏDOVA Akademik Əli Quliyev adına Aşqarlar Kimyası İnstitutu | Duygu AĞAOĞULLARI İstanbul Texniki Universiteti | Mikroorqanizm yüklü nüvə/qabıq maqnit nanohissəciklərdən istifadə etməklə dəniz suyunda və torpaqda neft dağılmalarının nanotəkmil bioremediasiyası |
Fərid ƏHMƏDOV Radiasiya Problemi İnstitutu | Raşit TURAN Orta Doğu Texniki Universiteti | Radiasiya monitorinqi üçün yüksək effektli detektor sistemi |