ABŞ-da doğuş zamanı həkimin həddindən artıq güc tətbiq etməsi nəticəsində körpənin başı qopub. Məhkəmə-tibbi ekspertizasında körpənin ölümünün qətl olduğu qərara alınıb.

Aztibb.az-ın medimagazin.com.tr-yə istinadla məlumatına görə, 21 yaşlı Cessika Ross adlı qadın doğum etmək üçün xəstəxanaya gedib. Doğuş zamanı həkim həddindən artıq güc tətbiq edərək uşağı dartmağa başlayıb və nəticədə uşağın başı qopub.

Fəlakətdən sonra örpənin anası Cessika Ross və atası Treveon Isaiah Taylor xəstəxanaya qarşı iddia qaldırıblar.

Məhkəmə-tibb ekspertizası tərəfindən aparılan müayinədə körpənin ölümünün tibbi səhv deyil, qətl kimi qiymətləndirilməsi qərara alınıb.

Doğuş zamanı ölən körpənin ailəsinin vəkili Roderik Edmond xəstəxananın hadisəni ört-basdır etməyə çalışdığını açıqlayıb.