Qobustan Rayon Mərkəzi Xəstəxanasının Təklə Kənd ASM-in bölmə müdiri vəzifəsində çalışan Hümbətov Mənsur İslam oğlu dünyasını dəyişib.

Bu məlumat Aztibb.az-a xəstəxanadan verilib.

Bildirilib ki, M.Hümbətov 1954-cü ildə Qərbi Azərbaycanın Vardenis rayonunun Aşağı Borça kəndində anadan olmuşdu. 1972-1978-ci illərdə N.Nərimanov adına Azərbaycan Dövlət Tibb İnstitutunda təhsil almışdı. 1978-1979-cu illərdə Bakı şəhər 13 nömrəli tibbi sanitar hissədə internatura keçmişdi.

Əmək fəaliyyətinə 1979-cu ildə Xankəndi şəhərində başlayan M.Hümbətov TTTY şöbəsində həkim vəzifəsində çalışmışdı. Daha sonra Bakı şəhər 4 nömrəli Tibbi Sanitar hissədə şöbə müdiri və Nərimanov rayon 18 saylı şəhər poliklinikasında baş həkimin ekspertizya üzrə müavini işləmişdi. O, ötən ilin dekabr ayından Qobustan Rayon Mərkəzi Xəstəxanasının Təklə Kənd ASM-in bölmə müdiri idi.

Allah rəhmət etsin!