Xəstəxanadan Aztibb.az-a bildirilib ki, tədbirdə müəssisənin direktor müavini, baş həkim Vüsalə Qələndərova, direktorun inzibati işlər üzrə müavini Fazil Verdiyev, İlkin Səhiyyə Xidmətlərinin (İSX) şöbə müdiri Nailə Şəmilova, Göygöl RMX-nın tabeliyində olan kənd tibb məntəqələrinin məntəqə müdirləri və tibb işçiləri iştirak ediblər.

 

İlkin Səhiyyə Xidmətlərinin (İSX) şöbə müdiri Nailə Şəmilova çıxış edərək yeniyetmələrə göstərilən tibbi xidmətin vəziyyəti, 6 ayda doğuşa yardımın və uşaq əhalisinə göstərilən tibbi xidmətin vəziyyəti, uşaq ölümü və xəstələnmə hallarının azaldılmasına yönəldilmiş tədbirlər haqqında məlumat verib. O, İlkin Səhiyyə Xidmətinin fəaliyyəti, patronaj xidməti, eləcə də uşaqlar arasında profilaktik peyvəndləmə və dispanserizasiyanın aparılması barədə fikirlərini bölüşüb.