Azərbaycan Respublikasının Prezidenti yanında Ali Attestasiya Komissiyasının qərarı ilə Əlibəyov Murad Akif oğluna tibb elmləri üzrə fəlsəfə doktoru elmi dərəcəsi verilib.

Aztibb.az xəbər verir ki, o,  "Uşaqlarda kriptorxizmin müalicəsinin nəticələrinin kompleks qiymətləndirilməsi mövzusunda dissertasiya işini uğurla müdafiə edib.

Dissertasiya işində kriptorxizm və residiv kriptorxizm zamanı birləşdirici toxuma displaziyasının (BTD) rolunu araşdırmaq məqsədilə qanda və sidikdə birləşdirici toxuma (BT) metabolitlərinin səviyyəsi öyrənilib. Kriptorxizm zamanı qubernakulumdan götürülən bioptatlarda işıq və elektron mikroskopik tədqiqatlar aparılıb.

Qeyd edək ki, Murad Əlibəyov Azərbaycan Tibb Universitetinin Uşaq cərrahlığı kafedrasının assistentidir.