Xərçənglə əlaqəli ölümlərin sayına görə qaraciyər xərçəngi dördüncü yerdədir.

 

Bu barədə Aztibb.az-a Diaqnoz Tibb Mərkəzinin baş həkimin müalicə işləri üzrə müavini, terapevt-hepatoloq Tofiq Əkbərov məlumat verib.

 

Hepatoloq bildirib ki, qaraciyər xərçənginin risk faktorlarına xroniki hepatit B virusu (HBV), xroniki hepatit C virusu (HCV) infeksiyaları, qaraciyər sirozu aiddir.

 

Onun sözlərinə görə, həmçinin qida ilə birgə qəbul edilən aflatoksin B1 də qaraciyər xərçənginin risk faktorları sırasındadır: Bu, bbir növ göbələk tərəfindən istehsal olunan zəhərli və kanserogen maddələrdir. Ədviyyat, qarğıdalı - dənli bitkilər və s. kimi qidalarda və bu qidaları istehlak edən heyvanların südündə olur.