Azərbaycan Respublikası Dövlət Gömrük Komitəsi Tibbi Xidmət İdarəsinin Sanitar Karantin Xidmət İdarəsinə Surxay Məmmədov rəis təyin olunub.

 

Mərkəzi Gömrük Hospitalından Aztibb.az-a bildirilib ki, ilk iş günündə Dövlət Gömrük Komitəsinin Tibbi Xidmət İdarəsinin rəis müavini Şahlar Mirqasım tərəfindən Surxay Məmmədov Tibbi Xidmət İdarəsinin Sanitar Karantin Xidmət İdarəsin Bakı və regionlarda fəaliyyət göstərən personalına təqdim edilib.

 

Bildirilib ki, Surxay Məmmədov 1995-2000-ci illərdə Azərbaycan Tibb Universitetinin Tibbi profilaktika fakültəsində təhsil alıb. 2001-2005-ci illərdə Müdafiə Nazirliyinin Sanitar Epidemioloji Nəzarət Mərkəzində həkim mütəxəssis kimi, həmin mərkəzdə 2005-2012-ci illərdə xüsusi təhlükəli bakterial infeksiyalar bölməsinin rəisi kimi, 2012-2013-cü illərdə Tibbi Profilaktika şöbəsinin zabiti kimi, 2013-2016-cı illərdə baş zabit kimi, 2016-cı ildə isə rəis müavini kimi fəaliyyət göstərib. 2015-ci ildə dissertasiya işini uğurla müdsfiə edərək tibb üzrə fəlsəfə doktoru elmi dərəcəsini qazanıb.

 

Surxay Məmmədov 2016-2019-cu illərdə Azərbaycan Tibbi Universitetinin Hərbi Tibb fakültəsinin Tibbi Profilaktika kafedrasının baş müəllimi kimi, 2019-2021-ci illərdə Azərbaycan Ordusunun baş sanitar həkimi, 2022-ci ildə İcbari Tibbi Sığorta üzrə Dövlət Agentliyinin müharibə iştirakçıları ilə koordinasiya departamentinin Qərb bölgəsi ilə iş şöbəsinin müdiri, 2022-2023-cü illərdə Azərbaycan Respublikası Səhiyyə Nazirliyinin Respublika Gigiyena və Epidimiologiya Mərkəzinin baş direktor müavini vəzifələrində çalışıb.