Xroniki olmayan venoz çatışmazlığı damar sistemində qan dövranının adekvat olmadığı bir vəziyyətə aiddir. Bu vəziyyət adətən qanın venoz sistemə normaldan daha çətin qayıtmasına səbəb olan müxtəlif amillər səbəbindən baş verir.

 

Aztibb.az xəbər verir ki, bu barədə məlumat verən Ağdaş Rayon Mərkəzi Xəstəxanasının ürək-damar cərrahı, uzman həkim Seymur Məmmədov bildirib ki, xroniki venoz çatışmazlığı uzunmüddətli vəziyyəti təsvir edir və adətən mütərəqqi xarakter daşıyır.

 

Onun sözlərinə görə, damar divarının zəifliyi, damarlarda tıxanmalar, qanın laxtalanması, genetik faktorlar və yaşlanma xroniki olmayan venoz yetməzliyinin əsas səbəblərindəndir.

 

Seymur Məmmədov qeyd edib ki, simptomlara ağrı, şişlik, ağırlıq hissi, qaşınma və dərinin rənginin dəyişməsi daxil ola bilər. Müalicə simptomları aradan qaldırmaq və vəziyyətin inkişafının qarşısını almaq məqsədi daşıyır. Xroniki venoz çatışmazlığının müalicə üsullarına varikoz corabları geyinmək, ayaqları yuxarıda saxlamaq, idman daxildir.

 

"Ağırlaşma hallarda cərrahi müdaxilə tələb oluna bilər. Müalicə planı fərdin spesifik vəziyyətindən və simptomlarından asılı olaraq həkim tərəfindən müəyyən edilir", - deyə uzman cərrah bildirib.