Xızı Rayon Mərkəzi Xəstəxanasının patronaj xidmətinin cavabdeh məsul şəxslərinin, mama-ginekoloqlar, pediatrlar, tibb bacıları və mamaların iştirakı ilə keçirilmiş təlimdə açılış nitqi ilə çıxış edən Sumqayıt Tibb Mərkəzinin direktor müavini, Sumqayıt TƏB üzrə kurator Arzu Bəndəliyeva ilkin səhiyyə xidmətinin gücləndirilməsi perspektivlərindən danışıb.

 

Bu məlumat Aztibb.az-a Sumqayıt Tibb Mərkəzindən verilib.

 

Bildirilib ki, A.Bəndəliyeva azyaşlı uşaqlar, hamilə və zahı qadınlara göstərilən patronaj xidmətlərinin universal proqressiv modelinin tətbiqinin mühüm əhəmiyyət kəsb etdiyini vurğulayıb.

 

Azyaşlı uşaqlar, hamilə, zahı qadınların patronaj xidmətinin təşkili və nəzarətin təmin edilməsi üzrə təlimçilər Telli Davidova və Yasəmən Məhərrəmova iştirakçılara erkən uşaqlıq dövrünün dəstəklənməsi, eləcə də patronaj tibb bacılarının yeni rolu barədə ətraflı məlumat verilib.

 

Sonda iştirakçıları maraqlandıran suallar cavablandırılıb, təlimin qiymətləndirilməsi aparılıb.