Diaqnoz Tibb Mərkəzinin Qastroenterologiya şöbəsinin müdiri Rəfael Həsənov Aztibb.az-a bildirib ki, qastritin simptomları xəstədən xəstəyə fərqli olsa da, adətən onlara mədə yanması, ağrı ürəkbulanma, qusma, gəyirmə, erkən doyma, iştahsızlıq və yeməkdən ikrah hissi, şişkinlik daxildir. Bu əlamətlər olan xəstələrin həkim müayinəsi olunmaları tövsiyə olunur.

 

Onun sözlərinə görə, müalicə olunmayan qastrit yuxarı mədə-bağırsaq qanaxması, mədə xorası və ya mədə xərçənginə səbəb ola bilər. Buna görə də ilkin mərhələdə həkimə müraciət etmək, onun təyin etdiyi müalicədən keçmək vacibdir.