ABŞ-da yaşayan Brandom Boothby adlı bir şəxs milyonda 2 nəfərdə rast gəlinən nadir xəstəlik səbəbindən burnunu çıxartdırmalı olub. Aplastik anemiya diaqnozu qoyulan Boothby həyatının alt-üst olduğunu bildirib.

Aztibb.az bu barədə medimagazin.com.tr-yə istinadla xəbər verir.

31 yaşlı Boothby qripdən sonra burnunu tamamilə itirib. Əvvəlcə onda  qripə bənzər simptomlar yaranıb, xəstəxanaya gedəndən sonra isə ağır aplastik anemiya olduğu aşkarlanıb.

Boothby üzündəki göbələk infeksiyası səbəbindən burnunu çıxartmalı olduğunu söyləyib. Əgər onun burnu çıxarılmasaydı, infeksiya bir neçə həftə ərzində gözlərinə və beyninə də çata bilərdi.