Şəki Rayon Mərkəzi Xəstəxanasının həkim mama-ginekoloqu Səbinə Əhmədli "Həkimlərimizi tanıyaq!" rubrikasının növbəti qonağıdır.

 

O, 1992-ci ildə Şəki şəhərində anadan olub. 2009-2015-ci illərdə Ukrayna Kiyev şəhərində A.A. Bogomolets adına Milli Tibb Universitetinin Müalicə işi fakültəsində təhsil alıb. 2015-2017-ci illərdə Ukraynada Kiyev şəhərində A.A. Bogomolets adına Milli Tibb Universitetində diplomdan sonra ixtisaslaşma kliniki ordinatura təhsili alıb.

 

Səbinə Əhmədli 2015-2017-ci illərdə  Ukraynanın Kiyev şəhərində 2 saylı doğum evində, 2016-2017-ci illərdə Kiyev şəhərində “Feofaniya” klinikasında həkim mama-ginekoloq, 2016-2018-ci illərdə Kiyev Milli Onkologiya Mərkəzində həkim cərrah-onkoginekoloq vəzifələrində çalışıb. 2018-2023-cü illərdə Baki şəhərində bir sıra özəl klinikalarda qəbul həkimi, həkim mama- ginekoloq kimi fəaliyyət göstərib.

 

Əziz Əliyev adına Azərbaycan Dövlət Həkimlərin Təkmilləşdirmə İnstitutun Mamalıq və ginekologiya kafedrasında, Sabunçu Tibb Mərkəzi Doğum evində 6 aylıq təkmilləşmə kursu keçib. Bu müddətdə Azərbaycan, Türkiyə və bir sıra xarici ölkələrdə keçirilən elmi konfrans və kurslarda iştirak edib.

 

Həkim Ukrayna Mama-ginekoloqlar Assosiasiyasının üzvüdür.

 

O, 28 dekabr 2023-cü il tarixdən Şəki Rayon Mərkəzi Xəstəxanasının ASM şöbəsində həkim mama-ginekoloq vəzifəsində çalışır.