Aztibb.az-a Xəstəxanadan verilən məlumata görə, təlimdə azyaşlı uşaqlar, hamilə və zahı qadınların patronaj xidmətinin təşkili və nəzarətin təmin edilməsi üzrə kurator və təlimçilər çıxış ediblər.

 

Gəncə TƏB-inə daxil olan rayon mərkəzi xəstəxanalarının patronaj xidmətinin cavabdeh məsul şəxsləri mama-ginekoloqlar, pediatrlar, tibb bacıları və mamaların iştirakı ilə keçirilmiş təlimdə modul 1, 2 əhatə olunub.

 

Açılış nitqi ilə çıxış edən İlkin səhiyyə xidmətinin rəhbəri və Gəncə TƏB üzrə kurator Xalidə Sadıqova ilkin səhiyyə xidmətinin gücləndirilməsi perspektivləri, azyaşlı uşaqlar, hamilə və zahı qadınlara göstərilən patronaj xidmətlərinin universal proqressiv modelinin tətbiqinin gücləndirilməsi haqqında çıxış edib və təlimlərin davamlı olmasını bildirib.

 

Təlim iştirakçılarına erkən uşaqlıq dövrünün dəstəklənməsi və patronaj tibb bacılarının yeni rolu barədə məlumat verilib. Təlim interaktiv şəkildə keçirilib və iştirakçıların sualları cavablandırılıb.