E.Əsədli bildirib ki, qonartrozun yaranma səbəbləri olduqca müxtəlifdir. Onun sözlərinə görə, qonartrozun əsas yaranma səbəbləri artıq çəki, travmalar, revmatik xəstəliklər, irsi, genetik xəstəliklər və s. hesab edilir. Ən əsası - qonartroz oynaqların qığırdaq qisminin yeyilməsi və oynaqların funksiyalarını itirməsidir. Bu həm hərəkət məhdudiyyətinə, həm də ağrılara səbəb olur.

 

Travmatoloq qeyd edib ki, zamanında həkimə müraciət etmədikdə və müalicə almadıqda, xəstələrdə özləri müxtəlif ağrıkəsicilərdən istifadə edirlər. Bunun da nəticəsində də qonartroz yarana bilir: "Bəzi travmatik qonartrozlar da olur. Yəni, hər hansı bir zərbədən, avtomobil qəzası və ya yüksəklikdən düşməyə görə oynaqlarda çıxıq və sınıqlar yaranır, bunlar da sonradan xəstəliyə gətirib çıxarır.

 

Əgər diz oynaqlarınızda ağrılar başlayıbsa, mütləq şəkildə ortoped-travmatoloqa müraciət etməyiniz tövsiyə olunur”.