Qazax Rayon Mərkəzi Xəstəxanası və Təhsil Mərkəzi İctimai Birliyinin birgə təşkilatçılığı ilə icbari tibbi sığorta sistemi haqqında məlumatlılığının artırılması ilə bağlı tədbir keçirilib.

 

Aztibb.az-a Xəstəxanadan verilən xəbərə görə, tədbirdə Qazax Rayon Mərkəzi Xəstəxanasının məsul şəxsləri və gənclər iştirak ediblər.

 

Xəstəxananın əməkdaşları tərəfindən iştirakçılara icbari tibbi sığorta sistemi, icbari tibbi sığorta haqları, Xidmətlər Zərfi ilə təminat verilən tibbi xidmətlər, TƏBİB-in tabeliyindəki dövlət tibb müəssisələri haqqında ətraflı məlumat verilib. Bununla yanaşı, vətəndaşlara dövlət tibb müəssisələrində və Agentliyin müqavilə bağladığı özəl tibb müəssisələrində icbari tibbi sığortadan istifadə qaydaları izah olunub.

 

Görüşün sonunda iştirakçıların sualları cavablandırılıb.

 

Tədbirin əsas məqsədi kütləvi maarifləndirmə ilə yanaşı, daha çox vətəndaşın İcbari Tibbi Sığorta ilə bağlı birbaşa mənbədən və peşəkar ekspertlərdən məlumat almasını təmin etmək olub.