Peyvəndlər hər il milyonlarla insanı xəstəlikdən, əlillikdən və ölümdən xilas edir.

Aztibb.az TƏBİB-in rəsmi feysbuk səhifəsinə istinadla bildirir ki, peyvəndlər uşaqları infeksion xəstəliklərdən qoruyan yeganə vasitədir. Onlar xüsusi texnologiya ilə hazırlanır və xəstəliklərə qarşı orqanizmdə immunitet yaradır.

Azərbaycana gətirilən peyvəndlər Ümumdünya Səhiyyə Təşkilatının standartlarına cavab verir.

Qeyd edək ki, peyvənd üçün yaşayış yeri üzrə uşaq əhalisinə ambulator-poliklinik xidmət göstərən tibb müəssisələrinə müraciət etmək lazımdır.