Naxçıvan Muxtar Respublika Xəstəxanasında “Xəstəxanadaxili infeksiyalarla mübarizə tədbirləri” mövzusunda seminar keçirilib.

 

Aztibb.az-a Naxçıvan MR Səhiyyə Nazirliyindən verilən xəbərə görə, tədbirdə ekspertlər öz bilik və təcrübələrini muxtar respublikada tibb sahəsində işləyən aidiyyatı tibbi heyətlə bölüşüblər.

 

Seminarda AZDAS (Azərbaycan Dezinfeksiya, Antiseptika və Sterilizasiya) İctimai Birliyinin sədri Yusuf Ceyhan da iştirak edib. Doktor İmran Məhərrəmovun təqdimatında infeksiyaya nəzarət üzrə kritik mövzularda – “Xəstəxanadaxili infeksiyalar və onunla mübarizə tədbirləri”, “Xəstəxanadaxili infeksiyalarla mübarizə tədbirləri çərçivəsində əllərin təmizliyi və antiseptikası”, “Səthlərin və sahələrin təmizlik və dezinfeksiyası”, “Alətlərin təmizlik və dezinfeksiyası”, “Alətlərin yüksək səviyyəli dezinfeksiyası və ya soyuq sterilizasiyası” mövzularında təlim keçirilib. Həmçinin bu sahədə istifadə olunan ən modern məhsullar və onların istifadə qaydalarının təqdimatı da edilib.

 

Qeyd edək ki, seminar öz işini Culfa rayon Regional Tibb Mərkəzində davam etdirəcək.