Sumqayıt Tibb Mərkəzinin (STM) Perinatal Mərkəzində Quba rayonundan təxliyə olunan körpə uğurla əməliyyat olunub.

 

Aztibb.az-a STM-dən verilən məlumata görə, "Omfalosele" diaqnozu ilə Perinatal Mərkəzə köçürülən körpə Sumqayıt şəhər Uşaq Xəstəxanasının uşaq cərrahları - uzman cərrah Araz Hüseynov və Elnur İsgəndərov tərəfindən uğurla uğurla əməliyyat olunub. Artıq körpə evə buraxılıb.

 

Qeyd edək ki, son bir ayda 3 regiondan, Gəncədən "Bağırsaq keçməzliyi", Qubadan "Omfalosele" və Cəlilabaddan "Anusun atreziyası" diaqnozu ilə yenidoğulmuşlar Perinatal Mərkəzə təxliyə olunub. Hər 3 əməliyyat müvəffəqiyyətlə yerinə yetirilib.

 

Məlumat üçün bildirək ki, artıq 4 aydır ki, Perinatal Mərkəzdə neonatal cərrahiyyəyə start verilib, indiyədək neonatal və 56 günədək olan 15 körpə üzərində əməliyyat icra olunub.