Sumqayıt Tibb Mərkəzinin (STM) strukturuna daxil olan tibb müəssisələrində yanğın təhlükəsizliyi, əməyin mühafizəsi və texniki təhlükəsizlik qaydaları mövzularında maarifləndirmə tədbirləri keçirilir.

 

STM-dən Aztibb.az-a bildirilib ki, növbəti belə tədbir Perinatal Mərkəzdə baş tutub. Kollektivin qatıldığı tədbirdə Sumqayıt Tibb Mərkəzinin Əməyin mühafizəsi bölməsinin müdiri - baş mühəndis İsgəndər Kərimov işçilərin təhlükəsizliyini maksimum səviyyədə təmin etmək üçün qaydalara əməl edilməsinin vacibliyindən danışıb.

 

Qeyd olunub ki, iş yerlərində mövcud təlimatlardan mütləq şəkildə istifadə olunmalıdır. İşçilərin həyatı üçün risklərin qarşısının alınmasının zəruriliyi diqqətə çatdırılıb.

 

İ.Kərimov zəruri davranış qaydaları barədə ətraflı məlumat verilib.

 

Sonda mövzu ilə bağlı suallar cavablandırılıb.