Aztibb.az-a Mərkəzdən verilən xəbərə görə, tədbirdə ilk olaraq şəhidlərimizin əziz xatirəsi bir dəqiqəlik sükutla yad edilib.

 

Tədbirdə çıxış edən Binəqədi Tibb Mərkəzinin direktoru Əsədulla Sultanov 20 yanvar tarixinin müstəqillik tariximizdə mühüm rol oynadığını qeyd edib. Direktor 34 il əvvəl xalqımızın qəhrəman oğullarının əliyalın tankların qarşısına çıxaraq əsl mübarizlik nümunəsi göstərərək şəhidlik zirvəsinə yüksəldiklərini bildirib. O, həmin çətin dövrdə Ulu Öndər Heydər Əliyevin Sovet rejiminin bütün qadağalarına rağmən, Azərbaycanın Moskvadakı daimi nümayəndəliyinə gələrək dünya ictimaiyyətinin qarşısında qanlı faciənin təşkilatçılarını ittiham etdiyini vurğulayıb. 

 

Qeyd olunub ki, Qanlı Yanvar hadisələri həm də millətin azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarixdir.