Xəstəxanadan Aztibb.az-a verilən məlumata görə, ilk olaraq 20 Yanvar faciəsi qurbanlarının əziz xatirəsi bir dəqiqəlik sükutla yad edilib.

 

Daha sonra Ümumi şöbənin müdiri Nuriyyə Hüseynova bildirib ki, 34 il əvvəl Azərbaycan xalqına qarşı törədilmiş cinayət əslində bəşəriyyətə, insanlığa qarşı həyata keçirilmiş dəhşətli terror idi. 20 Yanvar faciəsi xalqımızın yaddaşında hüzn və kədər, qürür və qəhrəmanlıq səhifəsi kimi qalıb.

 

Nuriyyə Hüseynova qeyd edib ki, 1990-cı il yanvarın 19-dan 20-ə keçən gecə şəhidlərin qanı ilə Azərbaycanın yeni tarixi yazılıb. Həmin hadisə xalqımızın qəhrəmanlıq dastanına ən parlaq səhifələrdən biri kimi daxil olub.

 

Bildirilib ki, 20 Yanvar bizim üçün nə qədər faciəli gün olsa da, bizim sonrakı qələbələrimizin, mübarizəmizin bir başlanğıc nöqtəsidir. 1990-cı ildən başlanan ağır, çətin, ancaq şərəfli yol 2020-ci ilin sentyabr ayında Müzəffər Ali Baş Komandan İlham Əliyevin rəhbərliyi ilə rəşadətli Ordumuzun 44 günlük Zəfər salnaməsi ilə ən mühüm zirvəsinə çatdı. Xalqımızın öz müstəqilliyi naminə verdiyi bu şəhidlər müasir dövrümüzün qəhrəmanlıq tarixinin əsasını qoydu. Onların xatirəsi qəlbimizdə hər zaman yaşayacaqdır.

 

Sonda 20 Yanvar faciəsini əks etdirən videoçarx nümayiş etdirilib.