Mərkəzdən Aztibb.az-a bildirilib ki, müəssisənin kollektivi Azərbaycanın bütövlüyü uğrunda canlarını qurban vermiş şəhidlərin ruhunu bir dəqiqəlik sükutla yad edib.

 

Rəhbər şəxslər şəhidlərin adı olan xatirə lövhəsinin qarşısına əklil qoyublar.

 

1990-cı ilin Qanlı Yanvar hadisəsi Azərbaycan xalqı üçün təkcə böyük faciə deyildir. 20 Yanvar həm də ləyaqətini qorumaq üçün hər cür qurban verməyə hazır olan bir xalqın tarixində şərəfli səhifədir.

 

Bu gün Azərbaycanın ərazi bütövlüyünün tam bərpa olunması 20 Yanvar şəhidlərinin, ümumilikdə torpaqlarımızın işğaldan azad edilməsi yolunda canlarını qurban vermiş bütün şəhidlərimizin qanının yerdə qalmamasının təsdiqidir.