Dünyanın ən ölümcül hörümçəklərindən birinin zəhərindən infarkt və insult müalicəsində istifadə olunacaq.

Aztibb.az medimagazin.com.tr-yə istinadla bildirir ki, hörümçək zəhərində tapılan "Hi1a" molekulundan hazırlanan dərman infarkt və insult zamanı beyin və ürəyin zədələnməsinin qarşısını almaq üçün istifadə olunacaq.

Kvinslend Universitetinin Molekulyar Bioelm İnstitutunun alimlərinin kəşfi sayəsində infarkt və insult qurbanlarının sayı azalacaq.

"The European Heart Journal"da dərc olunan araşdırmaya görə, hazırda infarktdan sonra hüceyrə ölümünün qarşısını alan kliniki təsdiqlənmiş heç bir dərman yoxdur.

Dosent Natan Palpant və Kvinslend Universitetinin Molekulyar Bioelmlər İnstitutundan professor Qlenn Kinq huni hörümçəyinin zəhərində tapılan “Hi1a” adlı molekuldan istifadə edərək dərman hazırlayıblar.

Real həyatdakı müalicə ssenarilərini təqlid etmək üçün hazırlanmış bir sıra klinik testlərdən sonra onlar müəyyən ediblər ki, bu xüsusi molekul hüceyrələri infarkt və ya insult nəticəsində yaranan zədələrdən qoruya bilir.