Toplardan açılan atəş nəticəsində ayağından yaralanan 16 yaşlı gənc oğlana əmisi mətbəx masasında qulluq edib. Gəncin ayağı narkozsuz amputasiya edilib.

Aztibb.az bu barədə medimagazin.com.tr-yə istinadla xəbər verir.

İsrailin bölgəni mühasirəyə alması səbəbindən Şifa xəstəxanasına 5 dəqiqəlik məsafədə olmasına baxmayaraq xəstəxanaya çata bilməyən gəncə ilk tibbi yardımı hücum zamanı evdə olan həkim əmisi mətbəx masasının üstündə edib.

Şifa Xəstəxanasında cərrah olaraq çalışan həkim Hani Bseiso evdə mətbəx ləvazimatları ilə qanaxmanı dayandırmalı və qardaşı oğlunun sağ ayağını narkozsuz amputasiya etməli olub.

İsrail bölgədən çəkildikdən sonra bir sağlamlıq müəssisəsinə müraciət edən gəncin ayağından qəlpələr çıxarılıb. Onun ayağını müalicə etmək üçün təcili tibbi müdaxilə lazımdır.