Rusiya Elmlər Akademiyasının Sibir Bölməsinin Arxeologiya və Etnoqrafiya İnstitutunun alimləri Novosibirsk vilayətinin Bıstrovka kəndi yaxınlığındakı skiflər dövrünə aid nekropolda aşkar edilmiş altı kəllə sümüyünü tədqiq edərkən onlarda neyrocərrahiyyə əməliyyatlarının izlərini aşkar ediblər.

Aztibb.az xəbər verir ki, bu barədə “Rossiyskaya qazeta” məlumat yayıb.

Alimlərin fikrincə, kəllələrdən biri sağlığında kraniotomiya əməliyyatı keçirən 25 yaşlı qadına məxsus olub.

Kəllədə kəsik izləri tapılıb, lakin onlar ölümündən sonra, ehtimal ki, bəzi orijinal ritualları yerinə yetirmək məqsədi ilə edilib.