Görüşdə dosent İsmayıl Əfəndiyev Mərkəzi Gömrük Hospitalının 15 illik fəaliyyəti, həyata keçirilən unikal və mürəkkəb əməliyyatlar, eləcə də Tibbi Xidmət İdarəsinin Elmi-Təcrübi Tədris Mərkəzinin təşkilatçılığı ilə keçirilən elmi tədbirlər barədə ətraflı məlumat verib.

 

“Calamat Şirkətlər Qrup”un Marketinq departamentinin rəhbəri Surim Orumbayev təmsil etdiyi şirkətin fəaliyyəti, istehsal etdiyi tibbi ləvazimatları və distribyutor olduqları tibbi avadanlıqlar barədə danışıb. 

 

Daha sonra “Calamat Şirkətlər Qrup”-un təqdim etdikləri tibbi avadanlıq və ləvazimatlar və onların iş prinsipləri nümayiş olunub. “Calamat Qrup”un mütəxəssisi Assel Şarpina və “Forus Health” LTD-nin Xidmətlər üzrə baş mütəxəssisi Zain bəy tibbi cihazların istifadə olunduğu ölkələr, qarşılıqlı əməkdaşlıq əlaqələrinin qurulması barədə çıxış ediblər.

 

Həmçinin görüşdə hamilə qadınlar və yenidoğulanların sağlamlığı məsələlərinin prioritet olduğu vurğulanıb, yaxın gələcəkdə Mərkəzi Gömrük Hospitalının yeni korpusunun istifadəyə veriləcəyi diqqətə çatdırılıb. Görüşdə şirkətin məhz ana və uşaq sağlamlığı sahəsindəki fəaliyyət istiqamətləri və istehsal etdiyi unikal və innovativ tibbi cihazların tətbiqi məsələləri də geniş müzakirə edilib.