Hacıqabul Rayon Mərkəzi Xəstəxanasının təşkilatçılığı ilə qızılca xəstəliyinin qarşısının alınması məqsədilə Hacıqabul rayon 5 nömrəli tam orta məktəbdə tədbir keçirilib.

 

Aztibb.az-a Xəstəxanadan verilən məlumata görə, tədbirdə müəssisənin inzibati işlər üzrə müavini Məhəmməd Gözəlov, Ailə Sağlamlıq Mərkəzinin şöbə müdiri həkim-terapevt Gülşən Qəmbərova, həkim-pediatr Türkan Gözəlova çıxış edərək bildiriblər ki, xəstəlik insandan insana hava-damcı yolu ilə keçir və yüksək yoluxduruculuq qabilliyyətinə malikdir.

 

Həkimlər peyvənd olunmayan şəxslərin immunizasiyasını tövsiyə ediblər. Qeyd olunub ki, qızılcaya yoluxmuş şəxslə təmas olubsa, 72 saat ərzində peyvəndin vurulması vacibdir.

 

Diqqətə çatdırılıb ki, qızılca əhaliyə bəsit xəstəlik kimi görünsə də, onun ciddi fəsadlarla nəticələnə biləcək ağırlaşmaları olur. Əgər övladınızda və ya özünüzdə hər-hansı kataral əlamət və ya səpki müşahidə olunursa, mütləq şəkildə həkimlə əlaqə saxlamaq lazımdır.