Azərbaycan Respublikası Səhiyyə Nazirliyi K.Y.Fərəcova adına Elmi-Tədqiqat Pediatriya İnstitutunda YAP Yasamal rayon təşkilatı üzrə ərazi ilk partiya təşkilatının sədrinin seçilməsi ilə əlaqədar iclas keçirilib.

Bu məlumat Aztibb.az-a Elmi-Tədqiqat Pediatriya İnstitutundan verilib.

İclasda YAP Yasamal rayon təşkilatının sədri Bəxtiyar Nəbiyev, institutun direktoru t.ü.f.d., dos. Aynur Poluxova və ərazi ilk partiya təşkilatının üzvləri iştirak ediblər.

Aynur Poluxova iclas iştirakçılarını salamlayaraq sözü YAP Yasamal rayon təşkilatının sədri Bəxtiyar Nəbiyevə verib.

Çıxış edən YAP Yasamal rayon təşkilatının sədri Bəxtiyar Nəbiyev ərazi ilk partiya təşkilatının üzvlərini Partiyanın ictimai-siyasi həyatında aktiv olmağa çağırıb və qarşıda duran vəzifələrdən danışaraq ərazi partiya təşkilatına müvafiq tövsiyələrini verib.

İclasda yekdilliklə institutun direktoru t.ü.f.d., dos. Aynur Poluxova sədr seçilib.

Yeni seçilən sədr göstərilən etimada görə minnətdarlığını bildirib.