6 gün əvvəl həyata keçirdiyimiz qaraciyər köçürülməsi ilə daha bir xəstəmiz sağlamlığına qovuşdu.

Aztibb.az xəbər verir ki, bu barədə Mərkəzi Klinikanın ümumi cərrahı, transplantoloq Tariyel Nadirov sosial şəbəkədə məlumat paylaşıb.

Tariyel Nadirov qeyd edib ki, qastroenteroloq tərəfindən təqib olunan xəstədə sirrozun yaratdığı problemlər artıq idarəolunmaz vəziyyətə gəldiyindən xəstənin tək çıxış yolu qaraciyər köçürülməsi oldu.

"Uyğun donoru yalnız qayınanası olduğundan, heç tərəddüd etmədən o, donor olmaq istədi. Lakin donora da qalan qaraciyər həcmi tam istədiyimiz səviyyədə deyildi. Bütün riskləri bərabər qəbul edərək bu əməliyyatı həyata keçirməyə qərar verdik. Nəticədə bu gün donoru evə göndərdik. Düşünürəm ki, yaxın günlərdə də xəstəni sağlam şəkildə evə göndərməyi bacaracayıq", - deyə məlumatda bildirilib.

Transplatoloq son olaraq əməliyyatda əziyyəti olan hər kəsə təşəkkür edib.