İsrailin Qəzzaya hücumları səbəbindən Rəfah şəhərinə köçmək məcburiyyətində qalan fələstinli qadın həkim Feda əl-Kuraşlı burada qurduğu çadırda xəstələrə tibbi xidmət və ilkin tibbi yardım göstərir.

Aztibb.az-ın medimagazin.com.tr-yə istinadla məlumatına görə, çadırın qapısına “Doktor Fedanın Klinikası” yazan həkim çadıra gələn hər yaşdan xəstə və yaralı Qəzzalılara ilkin tibbi yardım göstərir.

Öz ailəsinin də köçkün olduğunu qeyd edən F.Kuraşlı məcburi köçkünlərə tibbi yardım və müalicə üçün minimum məbləği təmin etmək üçün “şəfa çadırı”nı açdığını söyləyib.

Həkim F.Kuraşlının təşəbbüsü qəzzalılar üçün böyük əhəmiyyət kəsb edir.