Şamaxı Rayon Mərkəzi Xəstəxanasında 2024-cü il qarşıda duran məsələlərə dair Tibbi Şuranın genişləndirilmiş iclası keçirilib.
Xəstəxanadan Aztibb.az-a bildirilib ki, iclasda direktorun inzibati işlər üzrə müavini Emil Sadıqzadə, struktur bölmə rəhbərləri, həkimlər, baş və böyük tibb bacıları, eləcə də kənd ASM rəhbərləri iştirak ediblər.
Tədbirdə xəstəxananın direktoru Emin Hüseyn müəsissənin ötən il ərzində fəaliyyətinin yekunları, qazanılmış nəaliyyətlər və 2024-cü ildə qarşıda duran məsələlər barəsində danışıb. Həmçinin ötən ilin dekabrında TƏBİB-in icraçı direktoru cənab Vüqar Qurbanovun rəhbərlərliyi ilə keçirilən müşavirədə qarşıya qoyulmuş hədəflərlə bağlı tibb heyətinə tövsiyyə və tapşırıqlar verib.
Emin Hüseyn bildirib ki, tibbi xidmətin keyfiyyətinin yüksəldilməsi, vətəndaş məmnunluğunun artırılması xəstəxana üçün əsas prioritet məsələlərdəndir. O, çıxışında vətəndaş-tibb işçisi münasibəti, ədalətli növbəlilik prinsipi, şəhid və qazi ailələrinə göstərilən xidmət, dərman dövriyyəsi, xəstələrin qidalanması kimi fərqli, lakin xəstəxananın xidmətinin əsasını təşkil edən məsələlərə toxunub.
Direktor, həmçinin RPM-də baş vermiş yanğın hadisələri bağlı əməyin təhlükəsizliyi barəsində danışaraq əməkdaşları yanğın təhlükəsizliyi məsələlərinə ciddi yanaşmağa, diqqətli olmağa çağırıb, müvafiq inzibati bölmələrə vaxtaşırı monitorinqlər keçirməklə potensial təhlükə mənbələrinin aşkarlanması, onların aradan qaldırılması üçün tapşırıqlar verib.
Toplantı zamanı bir sıra cari məsələlər də müzakirə olunub.
