“Həkimlərimizi tanıyaq!” rubrikamızda zəngin iş təcrübəsinə malik həkim, Qobustan Rayon Mərkəzi Xəstəxanasının Anesteziologiya və reanimasiya şöbəsinin müdiri Şair Bayramovu saytımızın oxucularına təqdim edirik.

 

Şair Aslan oğlu Bayramov 1957-ci ildə Qərbi Azərbaycanın Amasiya rayonunun Amasiya qəsəbəsində anadan olub. 1974-cü ildə Nəriman Nərimanov adına Azərbaycan Dövlət Tibb Universitetinə qəbul olub, 1980-ci ildə həmin universiteti bitirib.

 

O, Amasiya Rayon Xəstəxanasında həkim-rentgenoloq kimi əmək fəaliyyətinə başlayıb. 1982-ci ildə İrəvan Həkimləri Təkmilləşdirmə İnstitutunda anesteziologiya-reanimasiya kursunu bitirərək 1990-cı ilədək həmin xəstəxanada fəaliyyət göstərib.

 

1992-ci ildə Mərkəzi Hərbi Hospitalda anestezioloq işləyən Şair Bayramov 2004-ci ildə tibb xidməti polkovnik-leytenantı kimi ehtiyyata buraxılıb. Həkim 2004-2007-ci illərdə Mərkəzi Klinikada, 2007-2023-cü illərdə isə Pirallahı Tibb Mərkəzində əmək fəaliyyətini davam etdirib. Hazırda Qobustan Rayon Mərkəzi Xəstəxanasında Anesteziologiya və reanimasiya şöbəsinin müdiridir.