TƏBİB-in Tibbi təhsil və innovasiyalar departamentinin Davamlı tibbi təhsil şöbəsinin müdiri t.e.d. Emil İskəndərov və şöbənin məsləhətçisi Səbirə Rzayeva Azərbaycan Kardiologiya Cəmiyyətinin sədri Ülvi Mirzoyev ilə görüşüb.

 

Aztibb.az-ın xəbərinə görə, görüşün əsas məqsədi həkim və orta tibb işçiləri arasında kardiologiya sahəsi üzrə bilik və bacarıqlarının artırılması istiqamətində təlimlərin təşkili ilə bağlı olub.

 

Görüşdə tərəflər kardiovaskulyar risklər, ürək-damar xəstəlikəri zamanı və təcili təxirəsalınmaz vəziyyətlərdə ilk yardım, həkimlər üçün EKQ təlimlərinin təşkili və tibb bacıları üçün EKQ-nin çəkilmə qaydaları, uşaqlarda ürək, qan-damar problemləri, hamiləlik zamanı hipertenziyanın idarə edilməsi, ürəyin xroniki işemik xəstəliyi, arterial hipertenziya, periferik damarların xroniki xəstəliyi zamanı diaqnostika və ilkin səhiyyə xidməti səviyyəsində idarə edilməsi kimi məsələləri müzakirə ediblər. Sonda təlimlərin dəstəklənməsinin və birgə əməkdaşlığın gücləndirilməsinin önəmi qeyd olunub.