Şəkidə İİV-lə bağlı müayinə və maarifləndirmə aksiyası keçirilib
11.01.2024 12:30
Səhiyyə Nazirliyi Respublika QİÇS-lə Mübarizə Mərkəzinin təşəbbüsü ilə Şəki Dövlət Regional Kollecində İİV-lə əlaqəli maarifləndirmə aksiyası keçirilib.
 
Bu məlumat Aztibb.az-a Respublika QİÇS-lə Mübarizə Mərkəzindən verilib.
 
Bildirilib ki, tədbirdə Şəki Regional Laboratoriyasının mütəxəssisləri zərərli vərdişlərin fəsadlarından danışıb, İnsanın İmmunçatışmazlığı Virusu (İİV) və Qazanılmış İmmun Çatışmazlığı Sindromu (QİÇS) haqqında ətraflı məlumat veriblər. Həkimlər virusun aşkarlanması, xəstəliyin müalicəsi ilə bağlı müayinələrin, müalicənin ödənişsiz və anonim olduğunu xüsusi vurğulayıblar.
 
Sonda tələbələrin mövzu ilə bağlı sualları cavablandırılıb. Onlara İİV/QİÇS-ə aid broşurlar, bukletlər paylanılıb.
Səadət Məmmədova
Müəllifin digər yazıları