İspaniyanın səhiyyə naziri Monika Qarsiya, xəstələrin xəstəxanalarda sıxlığının qarşısını almaq üçün yüngül qrip hallarında işçilərə həkim rəyi olmadan 3 günlük evdə istirahət müddəti verilməsini təklif edib.

Aztibb.az-ın medimagazin.com.tr-yə istinadla məlumatına görə, İspaniyada son həftələrdə kəskin şəkildə artan qrip və COVID-19 kimi tənəffüs yolu infeksiyaları ilə əlaqədar bəzi bölgələrdəki xəstəxanalarda maska taxmaq məcburiyyətə çevrilib.

İspaniyanın 17 muxtar administrasiyasından 4-də xəstəxanalarda və bütün digər sağlamlıq mərkəzlərində maska öhdəliyi tətbiq edilib.

Səhiyyə Nazirliyinin açıqladığı məlumatlara görə, son bir həftədə ölkədə qriplə bağlı xəstəxanaya yerləşdirilənlərin sayı təxminən 60 faiz artıb.