Şəmkir Rayon Mərkəzi Xəstəxanasında yeni kadr təyinatı olub.

 

Xəstəxanadan Aztibb.az-a verilən məlumata görə, uzman həkim Uğur Zeynallı TƏBİB-in təxsis etdiyi uzmanlıq proqramı çərçivəsində Şəmkir Rayon Mərkəzi Xəstəxanasında uzman-pediatr ixtisası üzrə işə qəbul olunub.

 

Qeyd edilib ki, Uğur Zeynallı 1991-ci ildə Şəmkir rayonunda anadan olub. 2010-cu ildə Azərbaycan Tibb Universitetinin Müalicə-profilaktika fakültəsinə qəbul olunub. 1 il təhsil aldıqdan sonra 2011-ci ildə “Xaricdə Təhsil üzrə Dövlət Proqramı” çərçivəsində Türkiyənin Ankara şəhərində Gazi Universitetinə keçid edib. O, Gazi Universiteti Tibb fakültəsini bitirdikdən sonra İstanbulda Okmeydanı Eğitim Araştırma Hastanesində "Çocuk Sağlığı və Hastalıkları" ixtisası üzrə 4 illik uzmanlıq təhsili alıb.