Cəlilabadda dəqiqləşdirilməmiş pnevmoniya diaqnozu qoyulmuş Azərbaycan Dövlət Pedaqoji Universitetinin sonuncu kurs tələbəsi vəfat edib.

Aztibb.az xəbər verir ki, TƏBİB-dən verilən məlumata görə, rayonun Sabirabad kənd sakini Cəlilabad Rayon Mərkəzi Xəstəxanasında dünyasını dəyişib.

Belə ki, 2023-cü il dekabrın 30-da rayonun Sabirabad kənd sakini 31.10.2002-ci il təvəllüdlü (cinsi qadın) vətəndaş Cəlilabad Rayon Mərkəzi Xəstəxanasının Reanimasiya şöbəsinə ağır vəziyyətdə hospitalizasiya olunub. Ona dəqiqləşdirilməmiş pnevmoniya diaqnozu qoyulub.

Pasiyentə zəruri tibbi yardım göstərilsə də, həkimlərin səylərinə baxmayaraq yanvarın 4-də saat 10:30 radələrində vəfat edib.

Bundan əvvəl onun qızılca xəstəliyindən dünyasını dəyişdiyi bildirilirdi.