Araşdırmaya görə, yoğun bağırsaq xərçənginin 80% yaranma səbəbi, yoğun bağırsaqda yaranan poliplərdir. Bu risk yaşla birlikdə artır. Bu poliplərin təxminən 10 faizi orta hesabla 8-10 il ərzində xərçəngə çevrilə bilər.

R.Həsənov polipin əmələ gəlməsinə səbəb olan amilləri də sadalayıb:
İdmandan uzaq bir həyat tərzi
Artıq çəki
Lif çatışmazlığı olan pəhriz
Əvvəlki tarixdə kolorektal polip və ya xərçəng
İltihabi bağırsaq xəstəlikləri (kron və ya xoralı kolit)
Siqaret çəkmək
Tez-tez və həddindən artıq spirtli içki qəbulu

Onun sözlərinə görə, 40-45 yaşdan sonra hər bir şəxsə 2 ildən bir kolonoskopiya müayinəsi göstərişdir. Əgər nəsildə bağırsaq xərçəngi varsa, bu insanlar yüksək risk altında olduqlarından, ildə 1 dəfə kolonoskopiyadan keçməlidirlər.

"Kolonoskopiya kifayət qədər ziyansız və asan metoddur, amma o, yüksək peşəkar, işində mütəxəssis tərfindən, klinika şəraitində, müasir və steril avadanlıqla icra olunmalıdır", - deyə həkim bildirib.