Tərtərdə “Gənclər arasında hərbi-vətənpərvərlik ruhunun yüksəldilməsi”, “Erkən nikahın və qohumlar arasında nikahın mənfi nəticələri!”, “Narkomaniyaya yox deyək!” mövzusunda tədbirlər keçirilib.

Tərtər şəhər Əsəd Məmmədov adına 1 saylı tam orta məktəbində keçirilən tədbirdə TƏBİB-in tabeli tibb müəssisəsi olan Tərtər Rayon Mərkəzi Xəstəxanasının (RMX) psixoloqu Təranə Əmiraslanlı da iştirak edib.

Xəstəxanadan Aztibb.az-a bildirilib ki, tədbirdə Təranə Əmiraslanlı qeyd edib ki,
gənclərə sağlam həyat tərzini təbliğ etmək, narkomanlığa, narkotiklərin qanunsuz dövriyyəsinə qarşı mübarizə məqsədilə dövlət tərəfindən görülən işlər barədə gənclərin məlumatlılığını daha da artırmaq, narkomaniya, tütün, alkoqol və digər psixoaktiv maddələrin mənfi təsiri barədə gəncləri maarifləndirmək, zərərli vərdişlərlə mübarizənin yolları və mövzu ilə əlaqədar digər məsələlər haqqında məlumatlandırmaq bizlərin borcudur.

Qarşılıqlı müzakirə şəklində davam edən tədbirdə gənc fəalların da fikirləri dinlənilib və suallarına aydınlıq gətirilib.