Oğuz Rayon Mərkəzi Xəstəxanasında 2023-cü ilin yekunlarına dair müşavirə keçirilib.

Xəstəxanadan Aztibb.az-a verilən xəbərə görə, tədbirdə direktor Anar Əzizov, İnzibati işlər üzrə müavin İradə Məmmədova, müalicə işləri üzrə müavin Şəlalə Tahirova, İnsan Resursları şöbəsinin müdiri Təhsin Vidadiyeva, İlkin Səhiyyə Xidmətinin rəhbəri Nəzakət Qədirova, Sığortanın Təşkili və İnnovasiya şöbəsinin müdiri Çinarə Həmzəyeva, Xəstə Xidmətləri şöbəsinin müdiri Fəridə Nəbiyeva, Həmkarlar İttifaqının sədri Qorxmaz Hümmətli. eləcə də mərkəzin həkimləri, baş tibb bacıları, həkim və kənd tibb məntəqə işçiləri iştirak ediblər.

İlk olaraq mərkəzin direktoru Anar Əzizov müşavirə iştirakçılarını salamlayaraq 2023-cü ildə görülmüş işlərdən, mərkəzin fəaliyyətindən söz açıb. Daha sonra şöbə müdirlərinin hesabatları dinlənilib.

Yekunda qarşıdan gələn 2024-cü ildə görüləcək işlərdən və qarşıda duran vəzifələrdən danışılıb.