Hər birimiz üçün əziz və doğma bayram olan Dünya Azərbaycanlılarının Həmrəylik Günü dünyanın müxtəlif qitələrində yaşayan soydaşlarımızın birliyinin yaradılması məqsədilə Ümummilli Liderimiz Heydər Əliyev tərəfindən asası qoyulmuşdur. Dünya Azərbaycanlılarının Həmrəylik Gününün təsis edilməsi həm də müxtəlif ölkələrdə yaşayan həmvətənlərimiz arasında siyasi-iqtisadi, mədəni münasibətlərin genişlənməsinə imkan yaratmışdır.

Zaqatala Rayon Mərkəzi Xəstəxanasından Aztibb.az-a bildirilib ki, tibb müəssisəsində Dünya Azərbaycanlılarının Həmrəylik Günü və Yeni il bayramı münasibətilə tədbir keçirilib.

Xəstəxananın Cərrahi xidmətlər üzrə direktor müavini Vasif İsrafilzadə tədbirdə çıxış edərək 2023-cü ildə əldə olunan uğurlardan danışıb. O, Ümummilli Lider Heydər Əliyevin siyasi kursunun layiqli davamçısı Prezident İlham Əliyevin təşəbbüs və səyləri nəticəsində ötən bir il ərzində ölkəmizdə görülmüş işlərin əhəmiyyətini vurğulayıb və hər kəsin qarşıdan gələn yeni il və həmrəylik gününü təbrik edib.

Daha sonra inzibati məsələlər üzrə direktor müavini- Emil Rüstəmov və direktor müavini-İlkin Səhiyyə Xidmətinin rəhbəri Nuranə Səttarova da təbriklərə qoşularaq 2024-cü ilin hər kəsə düşərli olmasını arzulayıblar.