Gömrük orqanlarında xidmət haqqında əsasnamənin 27-ci maddəsinin ikinci abzasına və 120-ci maddəsinin birinci hissəsinin 2-ci bəndinə əsasən Mərkəzi Gömrük Hospitalının Cərrahiyyə şöbəsinin tibb bacısı, tibb xidməti giziri Mehri Karagöbekli 26 dekabr 2023-cü il tarixindən etibarən xidmətdə olmanın son yaş həddinə çatdığına görə təqaüdə çıxıb.

Bu məlumat Aztibb.az-a Hospitaldan verilib.

Bununla bağlı Mərkəzi Gömrük Hospitalında Mehri Karagöbeklinin təqaüdə yolasalınma tədbiri keçirilib.

Tədbirdə Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini t.ü.f.d., dosent İsmayıl Əfəndiyev, Mərkəzi Gömrük Hospitalının rəis müavini Nabil Seyidov, Tibbi Xidmət İdarəsinin Gömrük İşçiləri Həmkarlar İttifaqı Birliyinin sədri Şəhla Mirzəzadə və digər əməkdaşlar iştirak ediblər.

Dosent İsmayıl Əfəndiyev tədbirdə çıxış edərək tibb bacısı Mehri Karagöbeklinin tibbi xidmətlərini yüksək qiymətləndirib, ona gələcək işlərində uğurlar arzulayıb. Daha sonra İ.Əfəndiyev təqaüdə çıxan Mehri Karagöbekliyə gül dəstəsi və xatirə hədiyyəsi təqdim edib.