O, 19 fevral 1971-ci ildə Bakı şəhərində anadan olub. 1989-1994-cü illərdə Azərbaycan Tibb Universitetində, 2002-2005-ci illərdə isə Azərbaycan Respublikası Prezidenti yanında Dövlət İdarəçilik Akademiyasında təhsil alıb.

 

2005-ci ildə dissertasiya işini uğurla müdafiə edərək Azərbaycan Respublikası Prezidenti yanında Ali Attestasiya Komissiyasının qərarı ilə “tibb elmləri namizədi” alimlik dərəcəsi alıb.

 

Kamal Əliyev 1988-1996-cı illərdə müxtəlif tibb müəssisələrində kiçik və orta tibb ixtisası vəzifələrində çalışıb. 1996-1997-ci illərdə Səhiyyə Nazirliyinin Respublika Təsərrüfat hesablı Poliklinikasının baş həkiminin müavini, 1997-2003-ci illərdə Sabunçu rayonu 11 nömrəli Şəhər Poliklinikasının baş həkimi, 2003-2007-ci illərdə Yasamal rayonu 3 nömrəli Şəhər Poliklinikasının baş həkimi işləyib.

 

2007-2009-cu illərdə Azərbaycan Respublikası Fövqəladə Hallar Nazirliyinin Mülki Müdafiə Qoşunlarının Tibb Xidmətinin rəisi-baş həkimi, 2009-2012-ci illərdə Azərbaycan Respublikası Fövqəladə Hallar Nazirliyinin Tibb Xidmətinin Mərkəzi Diaqnostik Poliklinikasının rəisi, 2012-2019-cu illərdə Azərbaycan Respublikası Fövqəladə Hallar Nazirliyinin Tibb Xidmətinin tibb işləri üzrə rəis müavini, 2019-2022-ci illərdə Azərbaycan Respublikası Fövqəladə Hallar Nazirliyinin Tibb Xidmətinin Tibb Mərkəzinin rəisi vəzifələrində xidmət edib. O, 2022-ci idən Bakı Baş Səhiyyə Mərkəzinin 35 nömrəli Şəhər Poliklinikasının baş həkimi vəzifəsində çalışır.

 

Azərbaycan Respublikası Prezidentinin 30.12.2020-ci il tarixli 2389 nömrəli Sərəncamı ilə “Əməkdar həkim” fəxri adı ilə təltif olunub.