“Həkimlərimizi tanıyaq!” rubrikamızda Sizə pasiyentlərinə qayğı ilə yanaşan Respublika Neyrocərrahiyyə Xəstəxanasının həkim-neyrocərrahı Ömər Məmmədbəylini oxuculara təqdim edirik.

 

O, 1973-cü ildə anadan olub. 1996-cı ildə Azərbaycan Dövlət Tibb İnstitutunu Pediatriya ixtisası üzrə bitirib, 2000-2002-ci illərdə Azərbaycan Tibb Universitetinin nəzdində neyrocərrahiyyə ixtisası üzrə kliniki ordinatura keçib.

 

Ömər Məmmədbəyli 2002-ci ilin noyabr ayından etibarən Respublika Neyrocərrahiyyə Xəstəxanasının Baş-beyin neyrocərrahiyyəsi şöbəsində həkim-neyrocərrah kimi fəaliyyət göstərir.

 

2007-ci ildə Azərbaycan və Türkiyə Respublikaları arasında imzalanmış əməkdaşlıq protokoluna əsasən Ankara şəhərində neyrocərrahiyyə ixtisası üzrə kurs keçib. 2009-cu ildə Azərbaycan Prezidentinin sərəncamına əsasən Azərbaycan gənclərinin xarici ölkələrdə təhsili üzrə dövlət proqramına əsasən Almaniya Federativ Respublikasının Berlin şəhərində nəzəri-təcrübi ixtisasartırma kursu keçib. 2014-cü ildə Çexiya Respublikasının Praqa şəhərində neyrocərrahların konqresində iştirak edib.

 

Həkim 2020-ci ildə II Vətən müharibəsində iştirak edib.

 

Neyrocərrah Ömər Məmmədbəyli baş-beyin şişləri, onurğa fəqərəsinin şişləri, uşaq neyroonkologiyası, fəqərə sütun diskogen cərrahi əməliyyatlarını icra edir.