“Həkimlərimizi tanıyaq!” rubrikamızın qonağı Quba Rayon Mərkəzi Xəstəxanasının Cərrahiyyə şöbəsinin həkim-ümumi cərrahı Mais Abdullayevdir.

 

O, 1976-cı ildə Quba rayonu Püstəqasım kəndində anadan olub. 1993-1999-cu illərdə Azərbaycan Dövlət Tibb Universitetinin Müalicə işi fakültəsində təhsil alıb. 2000-ci ildə Cərrahiyyə işi üzrə internetura keçib.

 

Mais Abdullayev 2001-2003-cü illərdə N saylı hərbi hissədə cərrah ordinator baş leytenant, 2003-2010-cu illərdə Rusiya Federasiyasında cərrah ordinator, 2010-2021-ci illərdə Quba rayon Diaqnostika mərkəzində həkim-cərrah vəzifələrində çalışıb. 2021-ci ildən etibarən Quba Rayon Mərkəzi Xəstəxanasının Cərrahiyyə şöbəsində ümumi cərrah kimi fəaliyyətini davam etdirir.

 

O, 44 günlük Vətən müharibəsinin veteranıdır.