Astara rayonunda Ulu Öndər Heydər Əliyevin anadan olmasının 100 illiyinə həsr edilmiş "Ekspertlərin Zirvə Görüşü: Regional Tibbi-Elmi Konfrans”ı öz işinə başlayıb.
TƏBİB-dən Aztibb.az-a bildirilib ki, tədbirdə konfransın təşkilat komitəsinin sədri, Azərbaycan Ürək və Sağlamlıq Assosiasiyasının İdarə Heyətinin sədri, Milli Məclisin deputatı, tibb elmləri doktoru Rəşad Mahmudov, TƏBİB-in İcraçı direktorunun müavini Araz Nəsirov, Astara Rayon İcra Hakimiyyətinin başçısı Qəzənfər Ağayev, YAP İdarə Heyətinin üzvü, professor Tofiq Cahangirov, Azərbaycan Kardiologiya Cəmiyyətinin sədri Ülvi Mirzoyev, peşəkar invaziv kardioloq, ürək-damar cərrahları, həkimlər və digər qonaqlar iştirak ediblər.
Konqres iştirakçıları ilk olaraq Ümummilli Lider Heydər Əliyevin Astarada ucaldılmış abidəsini ziyarət edərək əziz xatirəsini ehtiramla yad ediblər. Daha sonra Azərbaycan Respublikasının Dövlət Himni səsləndirilib, əbədiyaşar lider Heydər Əliyevə həsr edilmiş sənədli film izlənilib. Ümummilli Liderin xatirəsi bir dəqiqəlik sükutla yad edilib.
Qeyd edək ki, tədbirin davamı 24 dekabr tarixində “Sağlam gələcək üçün birlikdə yürüyək!" devizi altında konfrans iştirakçıları və rayon ictimaiyyətinin birgə idman yürüşü marafonu ilə Astara Dənizkənarı Park-Bulvar kompleksində həyata keçirilib.