Diaqnoz Tibb Mərkəzinin radioloqu Könül Məmmədova, mammoloqu Kəmalə Rəhimova Birləşmiş Ərəb Əmirliklərinin Dubay şəhərində keçirilən XII Beynəlxalq Süd Vəzi Konqresində iştirak ediblər.

Mərkəzdən Aztibb.az-a bildirilib ki, həmçinin tibb müəssisəsinin terapevt-hepatoloqu Sevinc Abasova XIII Beynəlxalq Qastroenterologiya, IBD & Hepatologiya Konfransında ölkəmizi təmsil edib. O, "α-tokoferol, ursodeoksixol turşusu və AZHEPOFIT fitokompleksinin dərmanla əlaqəli hepatitin statin modelinə qarşı effektivliyi" mövzusunda təqdimatla çıxış edib.

Yüksək səviyyədə təqdimatına görə Sevinc Abasovaya konfrans təşkilatçıları tərəfindən təşəkkür məktubu ünvanlanıb.