“Həkimlərimizi tanıyaq!” rubrikamızda Sizə pasiyentlərinə qayğı ilə yanaşan Z.Məmmədov adına xəstəxananın Poliklinika şöbəsinin həkim-infeksionisti Lalə Cəfərovanı təqdim edirik.

O, Goranboy rayonunda anadan olub. Azərbaycan Tibb Universitetinin Sanitariya Gigiyena fakültəsindən məzun olan Lalə Cəfərova universiteti bitirdikdən sonra Gigiyena və Epidemiologiya Stansiyasında həkim-epidemioloq kimi çalışmağa başlayıb. 1997-ci ildən isə ixtisasını dəyişərək həkim-infeksionist kimi fəaliyyətini davam etdirib.

Lalə Cəfərova hazırda Gəncə Şəhər Birləşmiş Xəstəxanasının nəzdində fəaliyyət göstərən Z.Məmmədov adına xəstəxananın Poliklinika şöbəsində həkim-infeksionist kimi çalışır.